ليه الاحزان ماسكه دفوف


 الاستاذ المبدع وحيد أحمد ابراهيم // يكتب .....

ليه الاحزان ماسكه دفوف
ودايره تطبل في النجوع
ليه ماليه القلوب من الخوف
وتخنق القلب الموجوع
حتى الزمن ماسك سيوف
وبيقطع بين الضلوع
والمغلوب واقف مكتوف
وكله مايل للخضوع
أأقف ياولد للراس مرفوع
قول الاحزان ممنوع
اللى يعدى فى حوارينا صريع
خلى الأمل يزرع جراءه
علمه للطفل الرضيع
يصحى الفرحه فى احساسه
ويهزم الحزن الفظيع
اصلى الحكايه إراده
تمسح من العيون دموع
خلى الاراده يابنى عاده
تحول زمن الخريف لربيع
هتلاقى تمللى السعاده
فى طريقك لايمكن تضيع
وتمللى الشفايف تبتسم
حتى فى أصعب الظروف

ليست هناك تعليقات