محمد جمال فايد ... يكتب ... وقفة مع النفس

..................وقفة مع النفس ................

 سنين العمر بتمر وأخرتها
................ ..أنا وإنتم على القبور رايحين
ومين فينا نام مرة ومتأكد
...................إنه هيصحى  مع الصاحيين؟
يبقى ليه يا عبد  تتخاصم
..............وتتصارع على زايل ليوم الدين؟
ونفسك تعلا على غيرك
..............وانت وهوه مخلوقين من طين؟
وتمشى بين الخلايق بالفتن
........وتمرض لوشفتهم مع بعضهم حلوين؟
وتكدب وتصدق كمان نفسك
.............وتفترى على ناس كلهم صادقين؟
وتخوض فى عرض ناس غيرك
.........................بنظرة وكلمتين فارغين؟
وتنافق عشان مصلحة والناس
..................لأصلك وفصلك كلهم عارفين؟
وتتغابى يزيد جهلك وهما
................لغرضك من ورا النفاق فاهمين؟
وتطالب بحق غير حقك
....................وإن قالوا شمال تزوغ ليمين
وعندك للحرام شهوة
...................وشوق جارف ورمرمة وحنين
وحقدك على العباد واضح وقلبك
............. سواده يغطى من الخراب فدادين
بنسمعله ساعة نجاح العباد
...............نباح كلاب جواه متوحشة وأنين
وكرهك للخلايق داء عن مين
.....................ورثته جاوب قولنا عن مين؟
ونسيت القيامة والحساب فيها
...................زى وحوش فى الخلا شاردين
غلبتهم شياطين البرارى وقضوا
................عمرهم زيهم فى الغابات  تايهين
لاخافوا يوم  ربهم ولا سلم
...................من عضهم ناس كتير صالحين
فارجع لربك وتوب وإياك تغرك
......................نعومة طبعهم لأنهم حاقدين
لأنك لو سألت الحصى عنهم هيصرخ
.............. ويحلف إنهم بدون عقول خاويين
فاسجد لربك فى السحر واسأله
.............. يسترناويسترك ياعبد فى الدارين
.....................مع تحيات ......................
.................محمد جمال فايد....................
.............جمهورية مصر العربية.................
.......كفر شبرا زنجى الباجور منوفية..........