الأديب الشاعر الاستاذ / وحيد أحمد إبراهيم.. يكتب...
حياة شاعر
""""""
ماوردش ع البال ولا الخاطر
الاقي نفسي فى يوم شاعر
واحساسى فى الخيال يسافر
بتآثر بهمسه او نظره
وتلاقى القلب له لسان
***
شاعر لكن مش مغرور
تلاقينى ع الحب غيور
حتى لو كان فى الألوان
احب اللون يكون فرحان
م انا كمان فى الهوى فنان
مالبش مكان ماليش عنوان
كل يوم تلاقينى فى حال
أحساسي بين الناس رحال
بآى منظر قوام يتآثر
قلمى يجاوب أى سؤال
لما يسافر ويا الخيال
ويرجع راكب حصان
يكتب رساله للوجدان
***
يكتب عن الكره. عن الحب
يكتب عن الحسنه عن الذنب
يرسم بحروفه الزمان
أصلآ قلمى له مذاهب
عن كل موضع مداده كاتب
مره يشجع . مره يعاتب
جوه بحر الحب دايب
والرقه بتفتح بيبان
***
خلانى جناينى فى بستان
للورد عاشق ولهان
مابين افراح وبين احزان
تاه العمر فى الزمان
حصاده فجر له آذان
صحى فى احساسي الأنسان
***
سيبنى يابنى الله يخليك
شايف فرخه بتكلم ديك
والوحى دخل من الشبابيك
والخيال ركب الحصان
**&
أوعى يابنى تطلع مثلى
هتلاقى حياتك دايما تمللي
مرجيحه والريح سلطان
الشعر حياته جنان فى جنان
""""""""""
وحيد احمد
ليست هناك تعليقات