الشاعر أ/مصطفى فريد.. يكتب.. بحب الموت
الشاعر والأديب مصطفى فريد.. يكتب..
بحب الموت
من ديوان / بيحسدوك على إيه
للشاعر / مصطفى فريد
بحب الموت
ومش خايف
ما دام شايف
حياتى هناك
ربيع أحسن
من إللى أنا فيه
نسيم وهدوء
وشمس شروق
ساكنه فى السما
على طول
وكل جيرانى قدامى
مافيش حاقد ولا مغرور
بحب الموت
ومن غير صوت
باغنى له
وأقول له كتير
أنا بعشق لقاك قرب
حبايبى بجد وحشونى
هناك شايف ٠٠
براح الروح
بتسبح فى سما الملكوت
ورب كريم
بخلقه عليم
رحيم والكل عباده
يبقى الخوف
هيجى منين
مادام راجعين لأعتابه
ليست هناك تعليقات