أ/ عادل جاد يكتب / تعب.. نفوس
الاستاذ عادل جاد // يكتب
تعب .. ... نفوس
******
موش عايز أبقا تحت النور
ولا باحلم حتى أكون مشهور
عايز أكون بس بالدنيا مشكور
فى آخرتى من ربى مرحوم
على دينى ووطنى تملى غيور
مفيش فى سما بلدى غيوم
ولاتحتها ظالم ولامظلوم
حابب العدل يسود ويدوم
لا باحب الغرور ولا المغرور
لا باحلم أسكن حتى القصور
حاضن القناعة تملى علطول
لا باحب الغل ولا المغلول
نفسى العدل للشعب يعول
محدش برزق بكرة مشغول
محدش منه يكون محروم
بكدا البلد تنهض وتقوم
الخير ع الكل يكون مقسوم
وخدانا يا بلد وراحة لفين
عمر العدل ماهتشوفه العين
طول ماشعبك مقسوم نصين
حرامى ف السما زى الطير
شريف بياكل من تحت الرجلين
أمى معاه كتير م الفلوس
ع المتعلم والمفكر بيدوس
موش ده واقع المحسوس
إللى عنده ضمير منحوس
من خير البلد مالوش
دى بس بلد الهليبة
مفيش بقلوبهم لربنا هيبة
معندهمش أختشى ولا عيبة
دول للبلد ورا كل مصيبة
الحرام وياهم بيزيد
مصلحتهم بس أكيد
حب الوطن منهم بعيد
دول معندهمش دم ولا حس
لهم ألف وش ووش
الشعب فيهم مغشوش
بيتشلوا تملى ع الروس
الشعب بيحضهم ويبوس
اسمهم أصحاب نفوذ
وهما للشعب كابوس
موش بالذمة تعب نفوس
****
بقلم
عادل جاد
ليست هناك تعليقات