الحرف عامي

 الشاعر محمد ضباشه// يكتب .........

الحرف عامي
علي سن قلم مسنون
أقوي من السيف
عاشق كما المجنون
يقلع جدور السطور
يمحي قيود وسجون
لو فرحته بانت
شمس نهاره تكون
ولو دمعته لانت
يفضل تعيس محزون
ما ترهبوا زعقة
ولا دقة في قعر الهون
وأن مره قال لأه
عارف بأيه هيصون
وأن مره قال أيوه
لا يطبل ولا بيخون
مستني علي الندهه
أو حتي بأشارة
يا أم العيون السود
شابكين بسنارة
قلبي اللي داق حضنك
مستني في الحارة
مع شمس تحلم بك
دار ودوارة
تسقي شموخ نخلك
نطحن في دردارة
لقمة لجمال صبحك
مع نسمة ببشارة
تقولك وعهد الله
دي الدنيا غدارة
واللي هيغدر بك
ليدوق لظي ناره
------------
الحرف عامي يا عمي
للشاعر محمد ضباشه