أخترت الطريق
الشاعر عصام الباز //يكتب
( اخترت الطريق )
واخترت الطريق الصعب
ونسيت الغرام والحب
هأدوس قلبي بكعب
هأنسى كل إل كان
الطيبة والحنان
مش هأسامح إل خان
هأشطب حتى الزمان
رايحة أنسى رقتي
هأخاصم ضحكتي
هأودع وحدتي
أنا ناوي أغير سكتي
هأخلص من ضلمتي
إيه فايدة قلب طيب
الناس عليه تعيب
لحبيبه أبدا ما خيب
دا دمعه كان قريب
شاف حاجات تشيب
رايح أبدأ من جديد
بقلب يكون حديد
خلاص بقيت عنيد
هأتحرر ويبقى عيد
قلبي هأدوس عليه
قلبي عمل لي إيه
قلبي ركعني ليه
مبقاش بقلبي طيبة
مفيش دمعة قريبة
الناس شايفينها عيبة
لقيتها يا خلق خيبة
من بكرة أسد هأكون
الندل عندي يهون
مليت من السكون
حبيته وبجنون
كان يخلف الظنون
في الطين هأحط راسه
الوحل يا ناس مقاسه
قلبي يرجع لناسه
مش محتاجة للوناسة
عن حبه نويت أتوب
إنسان كله عيوب
دا مخيط الجيوب
زهقت من الذنوب
هألبس ثوب الرجال
هأبدل حال بحال
مفيش صعب ومحال
الطيبة خلاص زوال
عصام الباز
ليست هناك تعليقات