فى الأصل انا بياع كلام

 على أحمد عبد الجليل  //  يكتب  

فى الأصل انا بياع
كلام
ساعه أغني على الوجع
وساعات بفسر
الأحلام
إيدك ياشبه وانا قولك
ايه قدام
أصل الحكايه فهلوه
مفهاش أصول
وعلام
سكة سفر
وناس بتنقش إسمها
على الحجر
سكك السفر تاهت
ولون الحظ بقي
باهت
قلبك مليان حكاوي
عايز يشتكي
وساكت
والشكوي غير للي
خلق
مايتحسبش كلام
مكتوب عليك
الحب
باين على جبينك
قصة غرامك ذنب
معلش ده
نصيبك
وكلام بتفصله
عنيكى
أنا كنت بياع
كلام
بس اتكتب
موتي
على ايديكي
...........
على أحمد عبد الجليل