---------------قدر مكتوب------------قصة شعرية قصيرة------------
بالصلاة على الحبيب نبدا حكايتنا
حكاية هناء بنت ربيع زينة بنات حتتنا
الام سيدة بياعة خضار فى حارتنا
الاب حداد زينة رجال بلدتنا
هناء اتولدت كفيفة لحكمة يعلمها ربى
والام راضية ومستحملة وتقول امرك يا ربى
الاب قال زهقت خلاص
واتعرف على واحدة اسمها اخلاص
اسم مكنش على مسمى ولا تعرف طريق الاخلاص
عاش معاها وغرق فى الحرام
ودارت الدنيا باولاد الاجرام
وعدت سنين وسنين داء فيها كل الحنين
تقولة انت حبيبى وعنية بس متسئلش عليا
روحت فين ولمين والى انت عاوزة خدة من العينين
ورضى بحالة وفى يوم جرالة الى جرالة
دخل عليها والشرف سايقة
لاقاها فى حضن غريب راح قتلة
وجات الحكومة واهو اتسجن
15 سنة ليهم العجب
ونرجع ونشوف وردتنا هناء
العمر وصل عشرين
والام من غلب الزمن شايلة الطين
شغل وتعب ومرار
وهناء حاطة ايديها على الخدين
بالعافية تقضى حاجة البيت
وتقول لية يا ربى انا اتبليت
ودارت الايام والسنين
وخرج ربيع من سجنة الحزين
وراح لبنتة وقال تبت وقلت يا ريت
لكن الواضى واضى متسدكوش انة يعلا
قال للام عاوزين نجوز هناء قالتلة يا ريت
نشوف ابن اصول يحافظ عليها وعلى البيت
الطمع مالى قلبة وهيتاجر ببنتة
يا ريتة ما خرج يا ريت
راح لراجل كبير وقالة عند ى هدية لك
الراجل كان زاية قالة ياريت
واتفقو على الفرح
والام تقول ياريت ما جيت يا ريت
ومن فرحتة عمل سهرة كبيرة
بينة وبين الراجل ابو شيبة
وشربو كتير وا هم اتسطلو
وكلمة مع كلمة السلاح نطرة
عدت الطلقة من ربيع لابو شيبة
دة انتقام ربك ابو شيؤن عجيبة
واهو رجع لسجنة ولايامة المريرة
وفرحت هناء والام
وقالت يا رب ماليش غيرك
وكان فية ولد عينة منها
وعارف ان الشرف صاينها
ابن اصول كتب كتابة عليها
وامة فرحت بيها وشالتها جوة عنيها
ورضى ربك عليها
وسيدة فرحت وغنت
وراحت للحبيب النبى واتمنت
انة يدوم سترة عليها
ودى كانت حكايتنا اية رئيكم فيها
ليست هناك تعليقات