♡كلنا فداكي يا بلادي♡
حنان محمد عبد العزيز /تكتب .............
♡كلنا فداكي يا بلادي♡
♡♡♡♡♡♡♡♡
كل مامشي وراك يامه
ألاقينى محتاجه
لحضنك وضمه
بتبعد خطاوييك بعيد
أحاول
أمسك ايديكى
تمنعنى الف ايد
وإيد
تبعدنى عنك
والمحك انا من بعيد
مشتاقه ليكي
يامصر يامى
انتى الأمان وحضنك دفا
ومهما يبعدونى
لابد هارجعلك ف يوم
ماليش غير حضنك
وطن
انت أهلى وانتى ناسي
والسكن
ومهما استشهد شبابك
فيه الف غيره
بيتولد
كلنا فداكى يامه
وانتى ياغاليه تعيشى
دحنا من غيرك ياغاليه
مانسويش
ودايمآ يكون فجرك
جديد
شيفاكى ودموعك تسيل
عل الولد
تجرى بحور الدم
وألف ألف طعنة وجع
ف جسم الجدع
وألف صرخه من ولادك
تحرق قلوب العدي
كلنا ولادك
فدي ترابك
وأمانه ماتنسي اللى ضحى
بروحه عشانك
هاييجي يوم وتخدي تاره
وينطفى فى قلبي
ناره
من عدو خسيس جبان
كان كل ذنبه إنو
حبك
ودافع عن ترابك
.........
ألف مليون تحية لكل شهدائنا
وكل نقطة دم نزفت فداء الوطن
العين تبكي فراق الأحبه وكل
دمعة بتنزل تشعل نار في
قلوبنا كلنا فداكي يا بلادي
ليست هناك تعليقات