اخوك مات
فارس ابو تريكه/يكتب..........
اخوك مات
محدش يقول اخويا مات
اخويا عايش ولسه ضحكه
وصوته سامعه بيهز المدرجات
اخوك مات
فوق شويه وبطل بقي
انت من ساعة ما مات
وانت بتكلم الحيطان
لسه بتقعد بالساعات
ترن عليه وتقلق عليه
وهو ميت من زمان
اخوك مات
وانت لسه بتشتري
وعامل حسابه في الحاجات
اخوك ميت من سنين
وانت كنت طالع امبارح
تسأل عليه هو فين
كنت شاري ليه تشيرت
وعامل ليه مفاجأه
تذكره لحفلة جنات
حتي من كام يوم كنت
بتاخد رأيه في البوستات
وانت عايش جوا حلم
مليان وجع ومليان اهات
اخوك مات
محدش يقول اخويا مات
اخويا بس بيحب يهزر
علشان عارف روحي فيه
قال يعاندني شويه
هو عارف بقلق عليه
لو يوم رجع البيت متاخر
اخوك مات
كل شويه اخوك مات
اخوك مات اخوك مات
اخويا يا ماما سافر
بورسعيد يشجع فرقته
وجاي بعد الماتش هو
علشان يحدد دخلته
هو لسه يا ماما مجاش
ردت امي بكل حرقه
علشان خاطري متستناش
ليست هناك تعليقات