دا اخر شعر اكتبه فيكي
محمد سالم/يكتب.............
دا اخر شعر اكتبه فيكي
واخر كلام مني هتقراه عنيكي
من اللي حبك واحترمك
وكان حلمه يكون ليكي
اللي عمل المستحيل عشان يرضيكي
اللي بيموت وروحه ترد في اراضيكي
وهتقابلي وتلاقي مش هتلقي زي اخلاقي
وحب العالم كله مش قد حبي ليكي
انا اهتمامي كله كان حب وحنيه
زعلتي وفكرتيه ضعف في شخصيه
انا كنت عاشق مش بلعب واتسلي
قلت هتفرح باهتمامي لكن ختيها بسلبيه
وبقيت من الناس اللي البعد عنهم غنيمه
ميت من جوه وبظهر للناس روحي سليمه
يا اول حب واخر حب يا ساكنه القلب
كسرتي قلبي وحسيت حبي ليكي جريمه
سنين حبك جوايا وكان لازم اقول وابوح
ليه احبك واخلصلك وتردي حبي جروح
والله حرام احبك واتمنع من الكلام
ايوه عايش بس عايش جسد بلا روح
انتي دقات القلب والروح وحلم العمر
ليه القسوه وانتي اجمل بنت لطيفه
يا اجمل بنت في البنات السمر
لو شفت غيرك احس ان عيوني كفيفه
مبقتش فارقه معاي اعيش حياتي ازاي
واعيشها ليه ومن غيرك اعيشها لمين
كنت هعيشهالك عشان انتي عمري الجاي
دلوقتي اعيشها بقلب حزين ودموع العين
جوايا عشق ليكي قليل لو قلت قد الكون
كنت بخاف عليكي اكتر ما تخافي ع نفسك
كنت العاشق الولهان قصدي العاشق المجنون
واخر كلامي ليكي خلي بالك من نفسك
قلم . محمد سالم
ليست هناك تعليقات