يا بلدنا شعبك التعبان
منير خاطر/يكتب..............
يا بلدنا شعبك التعبان
صوت الأنين جواه مسموع
إن كان سجين وللا سجان
عاوزين أجازه من الدموع
فى كل شارع وكل حاره
ناس زعلانه وناس محتاره
نفس الشعب يعيش فى سلام
نفسو يخطى خطوه لقدام
حد يشيل عن ضهرو همومه
عاوز يعيش فرحان لو يومه
يا خلق خلاص عقلنا هيطير
نطلع من حفره نقع فى البير
لحد إمتى هنشيل نعوش
وأرواح شبابنا بتروح فشوش
شوفولكم حل يا أهل الحل
متخلوش عقلنا يختل
كفايه علينا ست سنين
منعرفش البلاوى جيا منين
ضرب النار وللا الأسعار
ومعادش بركه فكل الدار
الحزن بقى حكايه وسيره
فين العقول المستنيره
صوت الأنين جوانا مسموع
إدونا أجازه من الدموع
منير خاطر
ليست هناك تعليقات