انا مسلم لو سمحت

يحيى زكى يكتب

 ..انا مسلم لو سمحت.......................
حاسب .. لو سمحت.......
انا مسلم زى زيك............
ياللى بدينى تاجرت...........
حاسب.. لو سمحت..........
انا مسلم زى زيك..............
ياللى بدمى أستبحت.........
عارف كويس رسولى..........
وع السلف الصالح نشأت......
وهما كانوا منهاجى.............
وعلى السنه والفرض اتعلمت
وعلى كتاب رب العالمين.........
على كتابه ترعرعت...............
وعلى هدايته سبحت............
لوصية دينى ورسولى.............
لاخويا المسيحى حافظت.........
واتعلمت من جامع جمب كنيسه
الكل لرب واحد......................
ولرب العالمين سجدت.............
وحساب العبد بأيدو.................
وكلنا فى الارض عبيدو..............
ولاعمرى لحد خونت او كفرت......
وعلمائى شيوخ الازهر..............
وعلى منبرهم استقمت............
وهو ده بقى دينى...................
ياللى لدينك حرفت...................
ياللى لاميرك ركعت...................
ياللى لاخوك المسلم دبحت.........
وتمسك بكتاب الله فى ايدك........
وخارج تقتل وتخرب فى الارض........
وتقوللى انك مسلم...................
ومن ورا طرحه تتلثم...................
ياللى بتقول رابعه شعارك.............
ياللى استبحت حرمة جارك...........
وبتشرع جهادك فى نكاحك............
ومستخبى ورا جلبابك..................
وبعت وطنك لكلابك......................
وتقوللى انك مسلم.....................
وانتا الكدب والتضليل منهاجك..........
ولسيد قطب قرباجك.....................
ونسيت ربك ويوم عذابك.................
حاسب ....لو سمحت....................
انتا مش مسلم زيى......................
ولا منهاجى منهاجك .....................
ولا منهاجى منهاجك .....................
بقلم............................يحيى زكى

أ