وجع الغربه // إهداء لكل من هو مغترب عن وطنه

الشاعر أحمد طلبه / يكتب

.........

وجع الغربه لوسكر. مع الأيام بيتمرر
مابين الوحدة والترحال. قلوب ما قدره تتحرر
وانا في الغربه دي بحالي
بقيت سارح في موالي
وأصرخ بين فضا بالي
دا أمتي الوضع يتغير

في ناس فكراني متكبر
وعايش كأني متغندر
يا خلق بس هعمل ايه
دا انا عايش ومتقدر
مابين الوحدة والترحال. قلوب ما قدره تتحرر
---------------
أنا عايش في دي الغربه. كأني سجين وقولو. عليل
وهعمل إيه في دي الكربه. وانا بين أيادي كفيل
وهو كان معايا صريح
وقال انت هنا بتصريح
وبالحوجه طواني جريح
يا خوفي لبقي عنده ذليل
ما هي بلدي ما عيزاني. كأن امي وكرهاني
ولو يابلدي سمعاني. شوفيلي أي حل بديل
مجرد حلم بتصور
مابين إيدك بيتكسر
ودي الحقيقه يا بلدي
ابنك في غربته بيصغر
مابين الوحدة والترحال. قلوب ما قدره تتحرر
---------------
يا بلادي عارفك يا جميله
مابين إيدك مفيش حيله
ما انا مش ابنك الحيله
ما فيه غيري. ولا بيقدر
ومتحمل عشان العيش. ولا يقدر يقول معاييش
ماهي خلق وعايزه تعيش
دا شيء ماعدتش يتصور
مابين الوحدة والترحال. قلوب ما قدره تتحرر
......
بقلم / أحمد طلبه