دمعة

الشاعر السيد أبو طاحون / يكتب

........

 

تحط إيديك علي صدري
يقوم القلب من وجعه
يقص القصة من تاني
ولا يبينش مين واجعه ؟!!
اتاري القصة مقلوبة
قصيدة في القلووب والعة
وطالعه الطالعة متطلعة
وقالت انها راجعة ..
أكيد يا صاحبي جنية
وكانت ع النخيل طالعة
وناس سهرانة بتحشش
وناس شقيانة مش لاقيه ..
ويصحي الصبح ويبربش
يقوم الورد يتنفس
تقوم الدنيا مليانة
بخير الله وشبعانة
ولسه الصبح بيفكر
ولاد الفقرا بالخيبة ..
وأتاري البحر مش فاهم
بإن الفقر مش عيبة
ولما ابن الفقير يصطاد
يمد ايديه يجيب دمعة ..
#دمعة
#السيد_أبوطاحون
#الإخنوم