مربعاتي .. حياتي
معوض حلمي/يكتب..............
( مربعاتي .. حياتي )
______________
[ ناس .. وناس ]
______________
فيه ناس تاليها الوفا
تموت وماتخونشي
وناس ماليها الجفا
تغدر ماترحمشي
_____________
وناس كلامها شفا
وناس كلامها خل
مايحس طعم الدفا
غير اللي نام ف الطل
______________
وناس لسانها أمان
وناس لسانها يلوك
والصاحب اللي صان
غير اللي عاش زعلوك
______________
وناس بتضحك لكن
قلبها موجوع
وناس وشها داكن
المكر فيه مطبوع
______________
وناس تموت م الفرح
وناس حزنها بيشر
مايحس باللي انجرح
غير اللي داق المر
_____________
بقلمي ........
معوض حلمي
منشأة بطاش
تمي الأمديد
دقهلية
ليست هناك تعليقات