زهرنيسان

الشاعرةالمبدعة ملك الاصفر/تكتب....

قصيدة عامية بعنوان ... زهر نيسان ... بقلمي ... ملك الأصفر ...

..................................................

حبك داخل قلبي وردة

مزروعة بأحلى الألوان

عم ترويها خضاب الدم

اللي بتجري بقلب الشريان

ومتل النسمة مغلغل فيي

بالرئتين وبالوجدان

ومشاركني بكل حياتي

ومسيطر على عقلي كمان

....................

عايش ع شفافي غنية

كلماتا كلا ألحان

عذبة ونغماتا سحرية

بتتمايل إلها الأغصان

حلوة وموسيقا طربية 

بصداها تملا الأكوان 

وتطرب حتى الطير الشادي

ويتمايل معها الكروان

......................

يا شمس بلادي الهنية 

لما بتشرق ع الأوطان 

وبتملا الدني حنية 

وبتحضن حقل الريحان 

يا فرحة وبسمة ندية 

وعشفافي لون  الرمان 

حبك عايش جوا بروحي 

وبقلبي زهر نيسان 

............................................

ملك الأصفر