(( صلوا لها ))
#بقلم_ابراهيم_الفيراوي
(( صلوا لها ))
محشور ب حلمه
جوه قصبة ناي
مجنون ب نغمه معششه
ف قلب بنت مسلسله
ف الاسئله
سال سلسبيلها ب البكا
اتوضا قلبه ب الغنا
قام الصلا
ساعه مسا
صلا ب اية سحرها
سبح ب وجعه ف الركوع
وف السجود لاذ الدعا
شهد وسلم
صرخ ... ابتهل
قالوا اتهبل
قام رقص
قالوا اتهوس
عشق النغم
قالوا اتجذب
دا مس قلبه ضيها
يفرد دراعه يرفرفه
يم السما
يبدر الليل ب الغناوي
يفتح الكلمه بناني
يطير منها
علي شط فيروز الهوا
وف ورد ذكر
بنت الطرب
ف مقام ربابة حزنها
ارغول يادن للصلا
درويش يقول
صلوووووووا لها
ليست هناك تعليقات