( أيوه أنا مصري )

الشاعر مبروك علوه / يكتب

..........

 

أيوه أنا مصري
ومش هتعب وأعاني
وهحفظ كرامتي
ومش هكون أناني

وهفدي بلدي بدمي
من كل خاين عدواني
مصر رمز الحضاره
واسألوا عنها زماني
اسمها عايش جوايا
وساكن روحي ووجداني
ونشيدها ديماً يضوى
في كل الأغاني
بحبك يا مصر
يا عشقي وكياني
وعشان أنا مصري
تمللي حافظ مكاني
ديماً أبدا يومي
بعزيمه وأماني
وكلمة تحيا مصر
بترن في وداني
وشعارها يرفرف
فوق كل المباني
كفايه إن بلدي
بتتحمل علشاني
لو اتغربت ثانيه
الٓاقي حنينها ناداني
ارجع أبوس ترابها
وأقولها وحشاني
هرسم بلدي عروسه
وهزينها بألواني
هكتب لها أغلى غنوه
تتراقص فيها ألحاني
وعشان أنا مصري
مش راح اتعب تاني
عايش حياتي فخور
ومفيش شئ رزاني
ولو أصابني الظمأ
كتير نيلها رواني
أفتخر إني مصري
ولو الجميع هجاني
هقولها أيوه أنا مصري
بجميع اللغات والمعاني
وتحيه لكل مصري حر
وتقديري وأمتناني
..................................
مبروك علوه