اوعديني...

 إبراهيم بدر عبدالله / يكتب ....

اوعديني...
لو نسيت تبقي حنيني
لو بعدت تقربيني
اوعديني.....
إنك انتي م تهزميني
فاكرة لما كنا نفرح ؟
وف هدوء الليل بنسرح
والأمل كان لينا مطرح
ليه تكوني انتي أنيني
ليه بتبنيلنا الحواجز ؟
ممكن ابعد أيوة جايز
ليه يكون العند جاهز
اوعديني ان العناد
يتقتل بينك وبيني
ليه نتوه وسط المتاهة ؟
تملى أشواقنا الكراهة
دانتي ضحكتي وصداها
وانتي أيامي وسنيني

إبراهيم بدر عبدالله