سمارك
الشاعر/رضا حسب النبي
** سمارك ياسمرا جننى **
سمارك ياسمرا من لونى
وشايلك جوه فى عيونى
وأغطيكى برموشى و جفونى
ولو جم عزالى ولامونى
أقول ليهم عنه ليه تبعدونى
سمارك لونه فى ترابى
و سبب حيرتى وعذابى
ياكل ماليا فى الدنيا
بوجودك ببقى حاجة تانية
ياشمعة منوره دارى
ياشمس طالعه فى نهارى
يابير مليان باسرارى
ياوردة مفتحه فى بستانى
ومن نار حبك قولت آه يانى
ياست الكل فى بيتى
واحلا زرع فى غيطى
سمارك ياسمرا جننى
كان فاضل ربع فى عقلى
وآهو طار ياناس وراح منى
سمارك ياسمرا جننى
رضا حسب النبى
9/10/2016
ليست هناك تعليقات