ســـــلام يا كل معنى جميل
الشاعر / ناصر عبد المقصود
ســـــلام يا كل معنى جميل
مالهش أساس من الصحة
يا كل كدبة جوانا بتجرحنا
ومهمـــــــا جينا أو روحنا
مفيش فى الدنيا غير روحنا
وحب الناس مالهش أساس
ومين أصلاً يكون حسـّــاس
يعيش بالحب والإحســــاس
ومين يقــــــــــــــدر يريحنا
كلامهم ضـــــــــــد أفعالهم
وتستعجب لأحــــــــــوالهم
تشوف الصدق فى عيونهم
وجوا القلب طيور جارحة بتدبحنا
ولا تصدق بإن الحب ليه موطن
ولا تصدق د غدر الكل مستوطن
عايز تعرف تعالى الدنيا وأتعلم
تلاقى الحب يا دوب كلمة على لسانا
سلام يا رحلة مكتوبة على مركب
أخدها الموج وتاهت جوا أحزانا
خلاص مــــــــــا عدتش أستحمل
وكاره كل أيـــــــــــــــــــــــــامنا
وكاره حتى أحــــــــــــــــــــلامنا
ولو شوفتك فى أى مكان فى أى زمان
هقولهالك وأنا فرحـــــــــــــــــان
مانش عايز حبيب حيــــــــــــران
ولا عايز فى مرة زمان يصالحنا
سلام يا دمعة مرسومة على جبينى
واتمنى تعيشى بعيــــــــد وتنسينى
وتفرح للفـــــــــــــــــــــراق عينى
لا أنا شايفك ولا حاسك ولا سامعك
سلام يا كدبة جوانا بتجــــــــرحنا
الشاعر / ناصر عبد المقصود
ليست هناك تعليقات