راح أخد الصباح
مستشار / عبدالحميد طير البر
راح أخد الصباح
حبيبى راح أخد الصباح
وجانى ليل مليان جراح
حزين وأبكى لأنه راح
انا اللى قلبى مليان سماح
مبقتش قادرخلاص أسامح
لأن شوقى جوايا جامح
أصبحت وجه ملوش ملامح
كنت طير مبسوط وسارح
بقيت وحيد مكسور جناح
تركنى اللى وجهه ملاح
الحزن عشش عمل مراح
كل يوم يتولد فيا جراح
حضن قلبى ساب له براح
الجو عاصف قلبى وشاح
هيعمل أيه قاسيه الرياح
شاف عذابى النجم ناح
بعت شعاع لأجل أرتاح
لما يخدنى عند اللى راح
قبل مانوصل الفجر لاح
هرب الشعاع سبنى وراح
رجعت تانى حزين سواح
أبدأ أفراح تنتهى أتراح
ساقيه دائره أحزان جراح
باب الأفراح ملوش مفتاح
أخده منى ويا الصباح
الغدر عنده أسلوب مباح
الهجر كان سكين دباح
بارد سلاحه بقيت نواح
محتاج جراح يشفى جراح
يشيل وجع ويحط أفراح
قال الطبيب أنا مش مرتاح
دواك هناك عند اللى راح
مستشار / عبدالحميد طير البر
ليست هناك تعليقات