حبيبتي
الشاعر بهاء ابو عمر/يكتب
#يوميات_عاشق
حبيبتي
ياحب عمري وحبي الوحيد
ويانبض قلبي وعشقي الأكيد
وحياة روحي ودمي في الوريد
بعيون القلب إللي مابتامش شايفك
ومع الطير المسافر اللي لسه ليكي ماوصلش باعتلك
عايز أطمن علي أحوالك
حبيبتي يا أحلي سمره
ألف سلامه لقلبك
من قلب مشغول بحبك
وملهوف كتير بعيونه يشوفك
قلبي وعقلي مشغولين عليكي
لما الشمس كانت غايبه
وسحاب الشك والظنون
متجمع بألوان غامقه
قلبي حس أنك ياحبيبتي بعافيه
عقلي قالي دي اوهام خايبه
قولت أسألك عليكي
وإنتي مش عايزاني ادور عليكي
لكن شوقي غلبني
ومشيت ورا أحساس قلبي
وعرفت
وحزنت
لما لاقيتك بعافيه
ولزيارتك ماقدرت
فبعتلك مع مرسال الغرام
أغنية شوق وحب
رايحالك بكل دقة قلب
بحروف إسمك ياأرق قلب
وبدعي رب الأنام
أنك تقومي بعافيه وسلام
وبقول كمان
يأرض أحفظيها
وياسما ظليليها
وياشمس خليكي حنينه عليها
وياقمر ويانجوم السما زوقوا بالفرح لياليها
ده أنا من نسمة الهوا بخاف عليها
ولو بإيدي أشيل الألم من جواها
وبعمري افديها
ولا اشوف دمعة حزن في عينيها
ولا أي لحظة ألم تعدي عليها
يارب ليا خليها
حتي لو مش معايا
كفايه إني أعرف
أن قلبها مرتاح
واشوف الفرحه في عينيها
يارب إحفظها وإحميها
ليست هناك تعليقات