حبة رمل
قصيدة عامية بقلم / محمد على عاشور
حبة رمل
فى حبة رمل
وبنوته
و موجة بحر بتغنى
خطفنى هدوؤها وخدودها
و وردايه فى خصلة شعر
تدوبنى. .. تهدهدنى
وتحضنى بلحظ جميل
ونن العين بياخدنى
هناااك لبعيد
لهم الروح
الاقيها بتهمسلى و تلمسنى
ويدخل نبضها قلبى
فى حبة رمل
وبنوته
و موجة بحر بتغنى
بورقة توت خفيت شوقى
بحبك موووت يا بت الايه
يا مالكه الفكر ويا القلب
بضحكاية كحبات سكر
ومنشوره على الشفه
وشعر يطير مع النسمه
يطير العقل وياها
ومش ناسى اناملها
تداعب شعرة من راسى
بياضها لون بياض روحها
فى حبة رمل
و ضحكايه
وبنوته
و موجة بحر بتغنى
ليست هناك تعليقات