أوعاك تندم يابني
الشاعره حنان الريس /تكتب
اوعاك تندم يا ابنى ...
على قطار عداوفات جنبك.
انت لساك فى اول محطه.
اوعاك تندم يا ابنى ....
على قصه عشت فيها الوهم حقيقه.
تقول حبيبه لو فيها خير لدامت وصانت ودك.
اوعاك تندم يا ابنى ....
على سنين من عمرك رحلت.
وتقول بلا فايده وأيامها مره.
لازم نخوض التجارب وندوق تعبها.
اوعاك تندم يا ابنى.....
على ورده سقطت من احلامك جافه.
اذاى تحصد الخير والمحبه قبل ما تزرع النبته.
اوعاك يا ابنى اسمع منك كلمات اليأس.
قبل ما تركب موجه دنياك.
لازم تعد مركبك وشراعك بجميل الأخلاق.
الندم الحقيقى هو التقصير فى العباده.
اوعاك تنسى صلاتك هيه سندك وتقربك لربك.
دور على النور تلقاه جوا قلبك .
واحلم وعيش وارسم عيون امل لبكره.
ومن قلبى بدعيلك يارب يحقق كل ماتتمنى .
ليست هناك تعليقات