الشاعر الحقيقي
الشاعر أبو مؤمن جوهر //يكتب
(( الشاعر الحقيقي ))
أعــرف أن الشــعر تـواضع
طـــب و الشعراء تكبروا ليه
قال أيه لقبه الهرم الرابع
و الأخــر ملك التشبيه
شاعر الوطن
و شاعر الأمة
طب بالذمــــــة
دا شعر يا بيه
شاعر الجــــيل
و شاعر الــنيل
و أحمد شــوقي
يبوس ف أيديه
شاعر الشـــعب
وشاعر الــحب
و أحــمد رامي
ما عــــالم بيه
شاعــر بأهله
و ليه ناسي أصله
طيب ليه جهله
ما شاعر بيه
شاعر الوجع
و شاعر الدلع
و عقله اتخلع
و خيال دا ما فيه
اكتب أنت
الشعر يا أفندي
و لقبك عند
الناس تعطيه
و يقول أنه
نــــــــزار قــــباني
لشعره دا باني
و فضله عليه
و كمان يذكر
محمود سامي
بذوق كدا سامي
عرف له أسامي
و قال له يابيه
و فاروق شوشة
رفع له رموشه
وهب له عروشه
و قال أوكيه
و ناجي و حافظ
كان له محافظ
و شعره دا حافظ
مين يؤذيه
و بيرم التونسي
حبيبي و أنسي
و تطلع شمسي
من حواليه
أصح يا شاعر
بالذوق شاعر
خلي مشاعر
الناس تحييك
أعلم أن اللقب بحقه
تعب و مشقة
و علمه و صدقه
شعرنا دا مش رص كلام
دا خيال الهام
و حنين و غرام
و غرقت أنا فيه
أوزانه إبداع
قوافيه إمتاع
و بفكر شجاع
بيعبر بيه
دقة ف تصوير
صدق ف تعبير
قوة و تأثير
و الكون تحتيه
ليست هناك تعليقات