وصيه
الشاعر فيصل بدر/يكتب
(( وصيه )))
ولدى
احلم 000 ما تخافش من الأيام
واوعاك تتنازل عن حقك فى الاحلام
وافهم قصة عبرحمن
كان راجل عايش فى زمان
كل اللى يهمه
راحة البال
نسمة هوا فى القياله
خيط م الشمس يهز البرد
كل كل اللى معاه
جلباب 000
مترقع وكتاب
أحلامه محصوره فى مسكن
وونيس
والشمس بتطلع على بدنه
والليل بيهاجر
وساعات النور بدأت ترقص
وتهز ضفاير الخير
عبرحمن .. انسان
كان قلبه مخازن حب لكل الناس
عبرحمن بيكمل دينه
والفرحه اتنحتت فى جبينه
عبرحمن
هيخلف حد يشيل الاسم
هيجيب عكاز
يسند على عكازه الجسم
أما يعجز
******
لكن ياخساره
عكاز عبرحمن مغرور
لابيعجبه قاضى ولا مدرس
ولا حتى بيعجبه دكتور
عكاز عبرحمن مغرور
مكسور
مبيعرفش طريق النور
كل اللى صرفته يا عبرحمن على عكازك
مهدور
***
با اوصيك يا ابنى
اوعاك وشهادة الزور
اوعاك تحلم انك تركن على عكاز
وان جيه يوم ميتمى عكازى
إلغيه
مشيه
إوعاك يحضر
حتى ان كان هيقدم محضر
قوله اننى مش راضى عليه
*********************************
شاعر القريه
فيصل بدر
ليست هناك تعليقات