(((تذكرة قطار)))

 كلمات/محمودصلاح السيد

(((تذكرة قطار)))
تذكرتى تالت درجه فى آخرالقطار
والرصيف بعيد ومبيلحقهاش
آجرى وأتشعبت وأنط على الأبواب
وأعافر وسط الزحام بين الناس
أخاف للقطار يمشى ومركبهاش
وأنا قاطع تذكره بفلوس
ولايوم ركبت ببلاش
ومش ناوى أهرب فى أى ركن
أوحتى أطلع فوق القطار
ومن الكمسرى أنحاش
ولماركبت وبعد التعب والمعاناه
وقفت لا قعدت ولامددت
ولاعارف أفرد طولى
مع أنى قاطع تذكره مش راكب ببلاش
فى السبنسه تعبت من الدنيا وهلكت
وحسيت بقرب أجلى
وبدأت تتسارع فى داخلى الأنفاس
بصيت فى حتة أزاز بقيه من شباك القطر
لقيت نفسى كبرت وحسيت بأجلى قرب
وقولت يانفسى حان وقت الخلاص
وباينها آخر مره هركب القطار بين الناس
لحظات وزلزال والموت بيحصد الأرواح
والهم من سكتى خلاص أنزاح
البقاء لله واللى راح خلاص راح
شهداء وفى الجنه أن شاء الله تتقابل الأروح
كلمات/محمودصلاح السيد12/8/2017