الشهداء راجعيين
الشاعر السيد ابو طاحون/يكتب
الشهدا راجعين *** بقلم السيدابوطاحون
*********
لو كان حبك خيانه
هيبقي آنا
من غير كلام
الخاين الاول
كل اللي ركبو حيطانك
قفلو بيبانك
على إديه ولا اتحول
طول عمري منبوذ وصابر
ما ملكت غير روحي
وغير قلبي
وغير قلمي
أنا الشاعر
كلامي واضح
لكن دايما بيتأول
طول عمري راضي
ومش طمعان
أكون لا رئيس ولا قاضي
لإني بجد مش فاضي
طول عمري اسند فى ضهرك
ربيت أنا مهرك
ودفعت لك مهرك
من لقمتي ودمي
واللي يمد ايديه
على هواكي
على سترك
علي دينك
علي نيلك
على شمسك
على قمرك
على فنك
على نورك
على سورك
على دورك
على قصورك
اموت فداكي
ولا أشوف ف يوم قهرك
واما الظلام بيزيد
والضحكة بتطاطي
والنسمة تتحجر
يتحكم الواطي
أقوم
من عز موتي وأرجعلك
تتطمني
وتمدي إيدك
بحفنة مية من نهرك
أرجع شباب
وأقف على الباب
فى ليلك وفى صبحك
وأقف على الباب
فى حزنك وفى فرحك
وأقف على الباب
فى نومك وفى سهرك
طب عارفه نفسي ف إيه ؟!
أدخل ف يوم قصرك
أنا اللي دايما أقول
موال على الأرغول
كل إللى حب ينول
كل اللي حب يطول
يحصل ما يحصل يا نيل
وأنت تجيب مية
نروي الشجر والنخيل
للنص فى المية
واحنا السمك الصغير
واحنا المعدية
معرفش ليه راضين
طول عمرنا ف الطين
والسجن و الزنازين
الشهدا راحو فين ؟!
أكيد ف يوم راجعين
جايبين بذور العدل
وجناين المساكين
جايين يحاسبو الندل
وينصفو المظلومين
#الشهدا_راجعين
#السيدابوطاحون
#الاخنوم
ليست هناك تعليقات