السيسي
الشاعر بهاء ابو عمر ///يكتب
#السيسي_2018_1440_مونديال_روسيا_2018
#حملة_علشان_تبنيها
#السيسي_رجل_المرحله
صباح الخير يامصريين
صباح الجمال والحنين
صباح بريحة الأرض الطيبه
وبعبير نسيم النيل
صباح البسمه الرايقه
والضحكه الدافيه
والقلوب الصافيه
يامخلصين وموحدين ومتحدين
ياأحلي ناس حلويين
ياهرم وزرع ونيل
ياعلم وأخلاق ودين
وعلم مرفرف في السما ليوم الدين
وجسد واحد مفيش فرق بين مسيحين ومسلمين
الجرح واحد
وبرضو الفرح واحد
لأن القلب واحد
والوطن واحد
والرب واحد
كلمه صغيره وبسيطه
بس يارب تكون ليكم مفيده
الخطر اللي احنا خايفين منه
مش قنبلة غبيه
ولا إرهاب بحسام ناسف
او في ايده أسلحه آليه
دول لينا واضحين
ومعروفين ومكشوفين
والمخابرات العظيمه
وجيشنا الأصيل
حكموا امرهم
وشدوا عزمهم
علي انهم لازم يمحوهم من علي وش الارض
ويمحوا اي واحد بس يفكر يقرب بسوء لمصر
إنما الخطر الأساسي
من كل فاشل بينا او اناني
كل محبط او في نفسه غيلاني
وعمال شغال بينا
يأس وأحباط في عقولنا
وكمان بيموت في قلوبنا أمل
مفيش أمل
مفيش عمل
مفيش حل
مفيش فايده
هوه ده كلامه وبس
مش هايوريك غير كل حاجه وحشه
وهيقولك إننا نقوم تاني
ده أصعب من الصعب
لا ولسه
ده كمان مش عجباه لمتنا
وفي قلبه حسره وألم لفرحتنا
إيه يعني حفرت قناه
دي مجرد ترعه
ولا هيه طشت امه وابوه اللي رباه
كل حاجه تعملها الدوله عنده فنكوش
واي خير بيحصل في البلد مفيش
ولا غلاء الأسعار
والحياه اللي بقت ضنك ونار
يحسسك دايما انك عايش عيشة كفار
وراضي بالذل والعار
والعياذ بالله مصيرك النار
وحتي لما بادك تفرح
في مناسبه وطنيه
او ماتش كوره
يقولك ليه فرحان
وعمال تهيص في الشوارع والإعلام
ياخي وكسه
روح احسنلك نام
واتغطي واغرق في الاوهام
همه دول اخطر ناس
عايشين بينا
بياكلوا ويشربوا معانا
وبيتنفسوا نفس هوانا
بس للأسف شغالين فينا
احباط وذل وإهانه
بيهدموا بايديهم النجسه
كل قيمه جميله فينا
عايزين يمزعوا جسدنا
ويقطعوا وحدتنا
اللي هيه احلي حاجه فينا
وبين كل الشعوب أميز ميزه فينا
سيبكم منهم
ولاتسمعوش ابدا لكلامهم
وماتسيبوش سمهم يرعي بينكم
ده مصر امكم وحبيبتكم
ومصر جميله وأصيله
وقويه ومتينه
عمرها ماهتنكسر ابدا
مادام ربنا بنفسه حاميها
وخير اجناد الأرض فيها
واتحادنا وتماسكنا صف واحد
وتأييدنا لريسنا علي قلب رجل واحد
وعشان نحميها
وبالعلم والإيمان
والعزيمه والإخلاص
نبنيها وننهض بيها
ياللا بينا
نكمل مشوارنا اللي بدأناه
مشوارنا الصعب اللي اخترناه
وافتحوا شبابيك الأمل
لاجل ماتنشروا شعاع شمس العمل
واملوا صدوركم بهوا الحريه
حرية الفكر والعلم والدين
حريه فيها مسؤليه
مسؤولية وطن
مصيره امانه في قلوب ملايين
امانة نعمة ربنا ليوم الدين
ليست هناك تعليقات