شوف حبايبك
الأديبه والشاعره حنان محمد عبدالعزيز
تكتب
❤شوف حبايبك ❤
💙💚💛💜
___________
شوف حبايبك كام ف العدد
حسب الوفاء واللي صدق
وأعمل فواصل
للي قرب واللي بعد
واللي مصاحبك بجد وجدع
واقف يساندك ويأخد بإيدك
يقوي ظهرك في شدتك
ومايسيك أبدا تنكسر
وخط أحمر
تحت اللي في أول عترة
سابك وفك وهرب
عامل حبيبك
وهو أول ند لك
أما تقع يقول ماعرفك
وخطوط كتير بلون الدم
على خان وطعن القلب
غدره كان سهم ورشق
قبل العدو بخنجر سبق
ضرب ضربته وقال يتحرق
وألف ألف وردة بيضه
على حافظ على عهدك
وصان الود وحالف
ما يوم يتغير ولا يفارقك
مهما حصل يدافع عنك
طبع الأصيل
الأصالة طبع معاه تتولد
صاحب الأصيل وغمض
عنيك واعطيه الأمان
عمره ما يغدر
ولا يغيره الزمان
وسيبك من اللي خان
مهما عملته بحنان
طبعه غالب
وأوعاك تديله الأمان
.................
#بقلم_حنان_محمدعبدالعزيز
ليست هناك تعليقات