صحيح البشر انواع
الشاعر عصام الباز/يكتب
صحيح البشر أنواع
منهم بالغالي ينشري
فيهم بالرخيص ينباع
إل نفسه يوم يخلف
وإل غاوي يكون مؤلف
ناس عايشة عشان تهلس
ناس مزاجها عليك تغلس
ناس بتكنز مليارات
وناس نشوفها سنين تفلس
ناس شريفة وكبارات
وناس بالمكر عليك تدلس
ناس زباين في القهاوي
فاضية بس للنميمة
ناس لآلام الناس تداوي
دون ما تاخد أي قيمة
ناس عارفة فيه حساب
متلاقيش منها عيبة
ناس بتغش في الحساب
ناسية إن الغش خيبة
شوف مين فيهم تكون معاه
ع الشمال هتكون مصيبة
عصام الباز
ليست هناك تعليقات