أنا صورة
الشعر المصري / احمد ابراهيم النجار
_______________________
في قصيدة ( انا صورة ) 11/ 7 / 2018
__________________________
انا صورة على برواز ومكسورة
على حائط جدار مشروخ
فى عيني الضحكه مرسومه
وانا عايش حلوة روح
انا صورة ماليها رتوش
مابين الناس يفوت الليل ويرجع ليل
وانا بشرب مرار الكاس
واه يابرد فى جسدى كأنه رصاص
واه يا ناس هنا عايشين
ولا عايشين ولا فهمين
ولا منكم فى يوم احساس
وتصرخ صورتى ع الجدران
ويرجع سيل ورعد وليل
يعيش عمري بخوف دايم
على الجدران
فى توب الوانه م الاحزان
اعيش واحد مالهوهشي وجود
مجرد صورة ف البرواز
ومكسور الأزاز منها
ملامحي فيها الفين عام
وانا عايش انا بنها
وانا عايش حلوة روح
واه يا جروح هنا سكنه
ولا مفرّقه فى يوم جسدي
واه يا دمعه بالحيرة
ما بتفارق فى يوم خدي
واه يا عمر بيعدي
كأنه دروب ومليانه هنا اشواك
واه يا فجر مش طايل
شروق شمسي
واه يا فرح مش مكتوب
ولا كان الامان وعدي
واه يا هروب من الماضي
من الحاضر من الأيام
يعدي العمر بالأوجاع
وانا بصرخ بكل جروح
على جدار الألم صورتي
انا صورة على برواز ومكسورة
على حائط جدار مشروخ
فى عيني الضحكه مرسومه
وانا عايش حلاوة روح
_____________________
بقلم الشاعر المصري / احمد ابراهيم النجار
ليست هناك تعليقات