الجنه للشهيد بتنادي
عبد المنعم/يكتب............
الجنه للشهيد بتنادي
بتقول للعالم والدنيا
ولادك يامصرولادي
عشانك بعمره ضحا
لجل مايصون ترابك
---------------
معقوله مات البطل
واصبح ابويا شهيد
وصبحت
انا ابن البطل الشهيد
اللي مات بيدافع عن
الكرامه والوطن ومات
فداارض الوطن شهيد
هو صحيح مابقتش
اشوفه والمحه جاي
بيجري علينا من بعيد
واجري عليه يخدني
في احضانه وارتمي
احس بالدفا معاه وبيا
يكون فرحان سعيد
هو صحيح مابقتش
اسمع صوته اللي زي
الندا بيناديني وهو
جاي علينا من بعيد
ولما يقرب يناديني
يهمس ليه
في وداني يقولي
يابطل
ابني حبيبي الغالي
اللي انا بيه فرحان
سعيد
شد حيلك يابطل
ياله شد حيلك و اكبر
بقا نفسي اشوفك
راجل بطل زي كدا
لجل ما تحافظ
علي ارض الوطن
من كل اعداء الوطن
ولوموت يابني تكون
شهيد
وخليك عارف يابني
وكلمه حطها ف ودانك
عمر الشهيد مايموت
الشهيد حي يرزق
في جنه ربنا عايش
فرحان سعيد متهني
مع الابرار
والفناء لكل خاين
علي الارض بيخطط
لقتل الابرياء
والجنه للابرار اللي
علي ارضها بتحافظ
وقفه علي الحدود
بتحافظ
علي الارض والعرض
في عز البرد ليل ونهار
لاعمرها خافت من موت
ولافكرت الا في العرض
معلش يابني حرموك مني
و حرموني منك
بس انا في جنه ربنا
يابني والشهيد حي
عمرة مامات
بقلمي عبد المنعم مرعي
منيه المرشد -مطوبس -كفر الشيخ
ليست هناك تعليقات