**رباعيّات منتصف الخمسينات..

صبري على/يكتب.........

**رباعيّات منتصف الخمسينات..

(1)خمسين سنة عدّت' والشّعر الابيض سرح.

أحزان كتيرة فضلت' ويّا شويّة ........فرح .!

لو رجع العمر بيّة ' كنت رح انسى الأسيّة ...

 واعفو ع اللي ظلمني' واسامح مين' جرح.

(2)الحب مش رح يهمّه' إن كنت شاب أو كهل.

الحب إحساس بالدّفا' ويّا الصحاب والأهل .

الحب حد يراعيك ' تراعيه , ويتحامي فيك...

 ويصير معاه الفراق ' والله ' شئ مش سهل .!

(3)قلت لصاحبي: "حبّيتها" قال لى: "ياراجل عيب ".

فى السن ده' ماتعقل' فين الوقار والشّيب?...

أنا قلت : "قلبى امّا دق ما سألش عن سنّى" ...

 بالعكس' طمّنّى ' قال: "جروحى بدأت تطيب".

(4) على عتبة الستّين اكتشفت انّ السّنين بتفوت.

ولقيت البدن تعبان , وسمعت للقبر ......صوت .!

أنا قلت : " يا نفس' يا مغرورة ما تتهدّي" ...

أمانة عليكى لتتّوبي'  قبل امّا ييجى الموت .

صبري على