قطار الحياه
رضا حسب النبي / يكتب.............
🎬 قطار الحياه 🎬
قطار الحياه ماشى والكل راكب فيه
فيه ناس فى الدرجه الأولى والثانيه
وكمان ناس فى الدرجة الثالثة
وناس كتير متشعبطه ومتعلقه فيه
وفيه ناس بتصلى و تعبد ربها
والطيبه والحنيه ماليه قلبها
وناس بتدور عا الفلوس
وكمان بتدوس عا النفوس
وناس بتسرق وعامله شريفه
وهما فى الأصل لصوص حريفه
واللى هايجى محطته لابد راح ينزل
نشاور ونقول عليه الله يرحمه
وهوا ماشى سريع والعمر فيه بيضيع
ومين نازل المحطه اللى جايه
ومين ياناس هيفضل فيه
يارب نوصل بالسلامة
أنا وكل اللى راكب فيه
رضا حسب النبى
ليست هناك تعليقات