حلم ماجاش

الشاعر محمد محمد الطنطاوي

قصيدة بعنوان...حلم ماجاش

ما بستناش

تشوفي دموعي جوه عيوني مزروعة

وبتبسم

وأخبي ف همي وأضحك حتي لجراحك

وبرسم ضحكة موجوعة

ولا بنساش

أسيب عمري اللي تايه مني ف براحك

وعدي بلاش 

وأقول يا بلادي ضميني ماليني الخوف

ورشي هواكي علي روحي حنين ملهوف

وسامحيني

أشوف ف عنيكي نور محني

وطلة لوم بتدبحني

ولما عنيكي تلمحني

بداري ف وشي من خيبتي

وبحضن م الهموم شيبتي 

ولما ببص ف عنيكي

بشوف حيرتي

وصوتي اللي اتدبح فيا 

ولا بيسواش

وأجيبلك من حنين بوحي

أمل فرحان 

وعمر جديد لنورك يتولد عطشان

وأقولك إني والله

ده لولا عنيكي سايعاني 

ولولا قلبك المسكون ف أحضاني

ما كنتش عمري هستني

سنين من عمري فايتاني

ولا دقات ف نبض القلب تتطهر وتتحني

بحلم ماجاش

مع تحياتي

محمد محمد الطنطاوي

6/5/2017