المصير
الشاعره عبير الجندي /تكتب
المصيـــــــــــــــر
.....................
المصير واحد يا غالى
والشعور واحد ما بيننا
لو تزيد نار الليالى
بكره نوصل أحلى جنه
الهوى بيننا مثالى ..
والخطاوى تمر حنه
آه يا بدر الشوق يا عالى
القصور محتاجه بنا
*******
سيب إيديك فى إيديّه تهدى
سيب عنيك تدخل عنيّه
القمر يهدينى ورده
لما تهمس حرف لىّ
الهوى بيننا مثالى ..
والخطاوى تمر حنه
آه يا بدر الشوق يا عالى
القصور محتاجه بنا
********
ضُم قلبى بروح رقيقه
إنت أم وأب غالى
كلمتك هى الحقيقه
يا ( مقام ) فى حياتى عالى
الهوى بيننا مثالى ..
والخطاوى تمر حنه
آه يا بدر الشوق يا عالى
القصور محتاجه بنا
✍.... عبيــــــــــــــر الجنـــــــــدي ....
ليست هناك تعليقات