اصرخي
الشاعر محمد البكري /يكتب
اصرخي كتير م الوجع
اصرخي كتير م الحنين
اصرخي علي عمر عدي
وكل احلام السنين
اصرخي من غير دموع
الدموع جفت خلاص
والضحكة ناسيه الرجوع
اصرخي علي حلم مات
اصرخي ومن غير سكات
طلعي كل الألم
والحنين والذكريات
قولي اني لسه قلبك
اني حبك والأهات
قولي انك لسه فاكره
الدقايق والساعات
كنا فيها قلب واحد
زي ازهار الربيع
والندي وعطر النبات
اصرخي وانا حبي ليكي
هوا اجمل ذكريات
بقلمي
محمدالبكري
ليست هناك تعليقات