أغراب
الشاعر اشرف الدغيدي ///يكتب
.................( أغراب )
...............................................
عايشين يادنيا فيكي متغربين
وبعد ماراحوا حبايبنا متعذبين
وشربنا مُرّْ الفراق سنين وسنين
بعد ماكنا فيكي يادنيا متنعمين
وجوه حضن حبايبنا متهنين
كنا سعدا معاهم وف العز عايشين....... .....
ولغدرك وأسوتك مكوناش عارفين
..............................................
كنتي فعنينا جنه وترابك أحلي حنه....
و كانت دايماً سماكي صافيه...............
وشمس نهارك جميله دافيه
وهواكي متعطر بعطر حبايبنا
ليه يادنيا إنتي غداره وغدرتي بينا
بعد ماتفرحينا ترجعي تاني تبكينا
وفيوم وليله من حبايبنا تحرمينا
............................................
بعد ماكنا معاهم بنتباهي بلمتنا
ونفرح واحنا وياهم وايدهم فإيدنا
سرقتيهم وسرقتي منآ فرحتنا
أخدتي حب وحنان وسبتنا العذاب
همآ في الجنه وإحنا فيكي أغراب
نتألم نقول آاه وما بإيدنا غيرالعتاب
..............................................
خواطر...( أشرف الدغيدي )
حقوق الطبع والنشر محفوظه
ليست هناك تعليقات