يا أجمل نساء الكون
الشاعر اشرف الدغيدي //يكتب
( يآ أجمل نساء الكون )
....................................
لجمالك وسحر عنيكي
خاصمت انا وعيني النوم
وعشان نظرة حنيه
أسهرلك مشغول ميت يوم
عيونك ياحبيبتي حكايه
صحيتي الشوق جوايه
طب أعمل إيه ف عيوني
شافوكي علي طول أمروني
أحبك كُل الحب
وأفديكي بالروح والقلب
وأسهر والبال مشغول
خليتي القلب في حبك
دقاته تنهار علي طول
ولاَّ يعني عشان حلويين
وفيهم سحر جميل
وماقدرش يوم أنساكي
ودايب علي طول في هواكي
تحرميني من النوم ليلاتي
وتزيدي أنيني وآهاتي
ياحبيبتي كفايه دلآل
مالقلب خلآص ميَّال
وبلآش لحظه غيابك
ولا يطول عليآ بُعادك
ماهو خلاص أنا حبيتك
وحياتي عذاب من غيرك
وجنني ياروحي غرامك
وعِشقتك عشق جنون
واتمنيتك ياحبيبتي ليآ
واخبيكي جوه عنيآ
وقلبي عليكي حنون
ياحبيبتي حاسه بيآ
وحاسه بالنآر إللي فيآ
ولاَّ عايزه تاني دليل
ياحبيبتي بقالي يومين
حبيتك ومشغول بيكي
وكإنه حب سنين
وبقيتي كُل حياتي
والعشق ماله مثيل
ياحبيبتي مش بس عنيكي
شغلوني وخلوني هويتك
مش قادر أوصف حُسنك
وجمال الشامه علي خدك
والنار جنه في شفايفك
إتمنيتها ليل ونهار
ياسارقه جمال النسا
وسارقه النوم من عيني
سيبتيلهم ايه من الخفه
والحسن والكمال والعفه
ده كفايه من عينك نظره
ياأجمل نساء الكون
...................................
خواطر... ( أشرف الدغيدي )
حقوق الطبع والنشر محفوظه
ليست هناك تعليقات