دموع العتاب

 الشاعر حسام غنيم/ يكتب .....

دموع العتاب نارها قوية
تكوى خدود الأحبة وهى سايلة
تكتب كل اللى فى قلوبهم
من غير كلمة شفايف دبلت قاسية
وجع القلب لما تدراى عيونهم
حب سايل بدمهم رغم حزنه
على أيام حلوة عدت عنهم
غصب عنهم خوف على بكرة
لاتنهى الحكاية دايما بفرقهم
بس الحب يتنفض جوا قلوب عاشقة
ياما عاشوا فيه فى أحلامهم
وتحضن الروح قبل جسد حبيبه
نسوا عذاب السنين وشجنهم
وأيام طويلة بغربة
دنيا جديدة بلمسة إديهم
جنة إن رجع الطيف لحضنه
ويطيروا فى السماء بفرحة غابت كتير عنهم
بإدين كسروا خوف بيهم
ودعاء لله بطول عمر حبيبه
وعمره مايغيب من قدام عيونه
بس القدرمكتوب على جبينه
برحيل عن دنياه
وتفضل الذكرى موال أحزانه
بدعا رحمه رب بعبيده
لحين لقائه قريب وعمره ماهاسيبه..........بقلمى حسام غنيم